Back النشاط النوردي في الجزر البريطانية Arabic Nordisk aktivitet på De Britiske Øer Danish Viking activity in the British Isles English Invasiones vikingas en Gran Bretaña e Irlanda Spanish Vikings dans les îles Britanniques French Aktiviti Norse di British Isles Malay Нашествие викингов на Британские острова Russian 維京人在不列顛群島的活動 Chinese
La ativia nordica en la Isolas Brites ia aveni en la eda medieval temprana cuando omes nordica de Scandinavia ia viaja a Britan Grande e Er per coloni, comersia o invade. Aceles ci ia veni a la Isolas Brites ia es nomida vicinges, ma eruditas debate esce la terma vicing representa tota la colonistes nordica o sola aceles ci ia invade.
A la comensa de la eda medieval temprana, renas nordica en Scandinavia ia developa lias comersial cual ia arivas asta Europa sude e la Mediteraneo, donante los asede a importas stranjer como arjento, oro, bronze e spises. Esta lias comersial ia estende a ueste asta Er e Britan Grande.
En la desenio ultima de la sentenio 8, invadores nordica ia saca moncerias cristian situada en lo ce oji es Rena Unida, comensante en 793 con un invade de la monceria costal de Lindisfarne a la costa norde-este de England. La anio seguente los ia saca la abaderia prosima de Monkwearmouth-Jarrow, e en 795 los ia ataca denova, invadente la abaderia de Iona en la costa ueste de Scotland.